鄭秀文今日（22日）出席新店開幕，日前許志安完成紅館個唱，相隔11年再開騷，Sammi表示安仔在過去7年經歷了許多事，無論在人生或工作上，難得終於有機會再次站在舞台上。Sammi指由籌備開始，整個過程她都好感動，亦見證了安仔的緊張與付出，直至完成首場演出，得到好評，她的反應是：「嗯，我都可以放鬆啲啦！啲人好鍾意個騷呀！」
Sammi透露完騷後沒有特別慶祝，翌日安仔起牀後，只是想簡簡單單食碗越南河粉，到夜晚問他：「想唔想食啲好啲嘅嘢？」安仔表示想食飯盒，然後買了一個雞扒飯，Sammi認為人有時心靈滿足，即使只是食一個雞扒飯盒都會好滋味！她又指完騷後，兩人傾了好多偈，「傾返整個騷呀，呢七年一路一步一步咁走過嚟，同埋點樣走返上呢個台，今次觀眾對佢嘅接納，反而傾偈最多。」
另外，談到劉德華的跨年演唱會，Sammi表現雀躍，笑說就算華仔沒有邀請，自己也會「插水飛埋去」做嘉賓，但又一時口快說：「又或者他已經找了我呢！」她表示只要華仔開口，必定隨傳隨到。
更多現場圖輯：
