《一周星星》昨日（10日）播出的一集，著名填詞人鄭國江、區瑞強、周國豐接受訪問。鄭國江正職是小學老師，當年填詞只是兼職，他曾經擔任黃宗澤的班主任，Bosco專誠錄了語音與鄭老師話當年，「鄭Sir嗰時教英文，我仲好記得鄭Sir好惡，一唔交功課你就知死。」鄭老師笑說：「佢嗰時唔係依家咁嘅樣㗎，佢好乖嘅」，又表示嚴肅只是「上堂限定」，落堂後與學生是「好兄弟」。
張國榮的經典歌《風繼續吹》亦是鄭老師填詞，他透露自己為人不懂修飾，好坦白，令到哥哥要重錄一次。事緣哥哥錄完之後讓鄭老師「先聽為快」，鄭老師聽完後對哥哥說：「你唱得好，不過太似羅文，但樂壇有一個羅文已經夠啦。」就是因為這一句，哥哥再灌錄一次，並成就了一首經典。
周國豐向鄭老師求證，坊間有傳陳百強的歌曲《漣漪》是為翁靜晶所創作，甚至指「歌詞裏面有個靜字」，鄭老師表示歌詞的起源是因為作家冰心有一篇文章，提到雨水滴落江面會泛起漣漪，「我寫呢首歌嗰陣，係根據我既感覺，以及因為係電視劇《突破》的插曲，所以依劇情而寫。」在陳百強過世後，車淑梅參加歌迷為他舉行的紀念活動，然後致電鄭老師，車淑梅指翁靜晶在活動上表示，《漣漪》是陳百強為她創作，鄭老師回應：「唉，真係冤枉啦！我寫嘅時候乜嘢都唔知，不過咁，娛樂圈呢，好少美麗嘅故事，咁美麗嘅故事你由得佢流傳落去啦！」
更多圖輯：
