健兒ncmand 
佘詩曼主演的《正義女神》正在熱播，77工作室在社交網發放，同劇的蔣祖曼、周嘉洛、馬貫東和戴祖儀同車時齊爆阿佘「大鑊」。蔣祖曼直指阿佘：「佢癲㗎！」周嘉洛亦謂：「佢係精神分裂嘅！」蔣祖曼指阿佘開工與收工全完變了另一個人，皆因阿佘無論怎樣玩都好，翌日開工又變另一個人回來。周嘉洛再認同：「多重人格！」
馬貫東則以自身經歷訴說，有次他拍法庭時身體不適，自己瑟縮一角，獲阿佘關懷並送上一碗暖心的羅宋湯，馬貫東感動說：「嘩，佢攞出嚟嗰碗羅宋湯真係全世界最好飲嘅！」周嘉洛續謂：「其實佢係好親民好親切，依家認真講佢嘅優點，佢就係點樣玩都得，然之後做戲或工作時，佢就係最專業嗰個！」終於開到口的戴祖儀就說：「好認真！」周嘉洛指「女王」這封號跟阿佘很配襯，有自帶風，氣場凝聚力很強，把台前幕後結集一齊，將整件事做得更順暢、效果更好的化學作用。
