肥媽（Maria Cordero）的兩歲寶貝狗SaSa周日誕下11隻BB，肥媽親自接生，更用人工呼吸救活最小的狗B「11哥」。
她發文寫道：「我最後繼續做人工呼吸之後，我將佢攬住，用自己體溫俾佢，11哥突然奇蹟咳左一下，我真係好感動好感動。」肥媽直言把狗BB當是自己的孫子去照顧，「佢哋係我最好的親人，可能我未必所有步驟都做得岩，但感恩感恩，最後11哥可以救得返，最後11隻狗仔原原整整。」
肥媽指愛犬Sasa產子後，不眠不休地餵狗B，相當辛苦！所以她也幫手「陪月」，特別照顧11哥，「陪月，母乳姑娘，做埋姐姐一站式服務。平時湊孫個啲世界大戰簡直小兒科，今次一個打11個，勁呀呢。真係同人差唔多，幾個鍾餵次奶，又要將11個輪住幫佢地學埋身，仲要幫佢地大小便，真係好忙。」
圖片來源：肥媽@Facebook