由於蓋大班主旨要速速帶領兩個徒弟，重拾開拓於英倫的版圖，惟有延長滯留當地，趕忙與吉隆坡兩地視像落實兵分兩路。「我決定三個後生仔，唔好乾等做大明星，阿Ben仔已經一再曠課，我哋公司開個盤口，除非嗰邊出合約講明六個月內開拍《西方桃園三劍俠》，於是阿Ben一定要即刻返三藩市大學嗰邊報到，唔好心散。至於我媽打副主席，阿Howard阿Pam兩位理事長，三位都變咗要輪流返去大馬述職。阿Howard，難為呢段日子要你兩公婆成日分開。」
「唔緊要，不過，阿主席，雖然岳圖同黑炭兩個事必要跟住你，嗰邊阿天奴叔始終未好得番晒，一直阿黑炭最有魄力去操控成間學堂，人人都好服佢，定期返去幾日，會事半功倍。」
「唔好意思，我係阿師弟，有樣嘢有咁啱得咁橋，而家有好多美國嗰邊啲電影電視，都會拉隊去咗澳洲呀，泰國呀，成套由頭到尾喺度拍清光，平靚正。」
「阿師弟噚晚同我喺電話講起，知道大馬都有兩個Studio想入稟政府，想主動擴大規模去擸呢啲生意，我大半年前都注意到，但我哋太多嘢想做，啲資金發到咁大，就要要打醒十二個精神……」
「阿副主席阿媽打，唔似你講嘢噃，聽朝我捉埋你過去曼徹斯特嗰單，但實傾得成，我壯你膽。」
「可唔可以都俾我插嘴呀？阿蓋老闆，我係Maria呀？」
「好呀Maria，聽講你最近啲地產生意坐咗直升機咁喎？」
「個個肯照住我啫，我有原因暫亂歌柄，我呢排成日揸車去𥄫吓有冇啲人哋漏咗眼嘅地方，噚日我揸車蕩失路，去咗一笪大到似係埃及嘅聖地……鬼影都冇隻，但幾棟古蹟咁，又有教堂，又有村屋，大家唔好以為我想sell呢度，我入正題吓，我最感興趣係有一座起碼四千幾平方米嘅工廠大廈，但裏面爛溶溶乜都冇晒，樓底有三層咁高，我心急到即刻打電話俾好照顧我嘅前輩，想起底，想知一笪後面咁多高山樹林，冇幾遠又見到海，最難得前面雖然係亂葬崗，但好有氣質，但大到無倫，sorry我講到咁粗俗……」
「You’re so cute，阿未來易太，你想叫我哋買嚟做乜？」
「本來我未諗，但頭先聽咗你哋講啲大計，因為我起咗底，喺十幾年前有套西片嚟嗰度拍，係科幻戰爭片，荒野無人，兼且嗰度之前大火，間教堂，間工廠，都燒通頂，點知仲好，套戲有好多劫後餘生場面，三百六十度，要拍乜有乜，我悶親你哋，最緊要嘅係，佢哋將成間工廠裏面打通晒，愛嚟做咗綠色背景，拍乜嘢特技效果，飛天遁地，要幾大有幾大，要幾高有幾高，當陣嘅成本，比起喺英國拍，埋單平咗一半，兼套戲票房仲賣咗七倍……大家可能瞓着，我收口啦。」
「Maria，你諗嘅，唔聲唔聲，冇得頂，你未來老公聽咗咁多人講咗咁多嘢，我好想聽吓佢又點睇？」
「我哋呢度，簡直好似變咗西片《Ocean’s Eleven》《盜海豪情》，個個都叻，仲久不久又多幾個埋班。我唔識嘅嘢你識，你唔識嘅嘢佢識。我哋間學堂，都係鼓勵咁樣。一年前家姊嚟大馬做親嘅都係真心真意嘅善事，又幫阿師弟搵過呢笪地方再打天下創過另一番估唔到嘅事業，最近學堂嘅更加擺明我哋一味付出，有收穫就交由接班人去發展，話口未完，三個少壯去到外地，唔係吹噓自己，竟然係人哋發現我哋，單係上面每個成員嘅成績同聲望，唔使我哋同國家藝術局放聲氣，我哋將Maria發現呢笪，被荒廢但其實有無限潛質去翻生嘅福地，重新成為外國都會選擇嚟拍片影視製片廠，唔係一件發夢嘅事……」