香港演藝人協會今日(5日)舉行2025年春茗茶聚,會長古天樂、副會長余安安、錢嘉樂及一眾理事會成員,包括張繼聰、周家怡、岑珈其、游學修、小肥、趙善恆,以及過百會員出席,羅蘭、余慕蓮、丁羽、馮素波、梁葆貞、黃夏蕙、陳勉良、艾威、梁珊、魯振順等亦有現身,場面熱鬧。古天樂擔任會長後,致力維護演藝人權益,自疫情後,即復辦春茗茶聚,今年亦向全場會員派發利是,以及由福幼基金會贊助的福袋,成龍、余安安、張繼聰、周家怡、張敬軒贊助現場抽獎禮物。
席上頒發「傑出演藝大獎」,今年由陳勉良、馮素波、梁葆貞(順嫂)榮膺獎項,順嫂表示自16歲加入演藝界以來首次得獎,開心表示:「好多謝,做咗成世人,第一次攞獎,我16歲入演藝界,受屋企人影響,阿爺個代就做戲,我先做粵劇,之後拍電影,再加入無綫,喺無綫做一個節目就做咗六年,所以好多人都唔知我個真名,只知道我叫順嫂,但我唔介意,順頭順路,叫順嫂都幾好吖。」
馮素波興奮表示:「個獎座好重!80歲裏頭,都唔知仲有幾長嘅路,要漫步人生路,所以畀錢我會做,唔畀錢我都會做,如果唔做,可以做乜?為演藝界出力,祝大家搵到、做到、身體好。」陳勉良亦感謝演藝人協會頒發獎項,給予他很大鼓勵,「做人要有真誠同誠信,做任何事都要認真,咁先可以永恆。」
更多圖輯: