口碑強勁的爆笑舞台劇《三一萬能合》，昨天（4月10日）於灣仔藝術中心壽臣劇院舉行首場演出，觀眾席全場爆滿，笑聲滿載。凌文龍、麥沛東、岑珈其及女主角何洛瑤（Sica）的瘋狂演出，獲得熱烈讚賞，而不少圈中好友亦到場支持，包括盧瀚霆（Anson Lo）、陳俞希（Hailey）、余安安、黃浩然、梁嘉琪、湯駿業、楊潮凱、湯君慈、Collar的王家晴（Candy）、蘇雅琳（Ivy），張紋嘉、林子傑、王遠杰（YY）、虞逸峰及劉守正等，各人於完場後到後台與一眾出色演員及導演合照留念，並分享精彩觀後感。
Anson Lo大讚麥沛東演技出眾，他說：「梗係麥東做得好啦﹗個人私心，其實個個都做得好，造型全部都出色，佢哋焗蟹（忍笑）得嚟好好笑，亦很自然地配合劇情，全場都忍唔到笑。」陳俞希（Hailey）則表示：「整套劇係極好笑，見到演員自己都忍唔住笑出嚟。」黃浩然笑言：「無論係禿頭、矮仔定係有濕疹，只要嚟睇《三一萬能合》包保可以改變你人生。」余安安大讚：「實在好睇，我冇諗過會有咁多訊息喺裏面，好有誠意嘅作品。」
Collar兩位成員亦各有點評。Ivy（蘇雅琳）說：「演員的笑位很紮實，而Sica好勁，一人分飾三角，非常之厲害。」Candy（王家晴）則指：「故事非常之豐富，有愛情、兄弟情，而兄弟情最感動我，手執自己的理想，而經歷一啲過程，要入場感受一下。」
湯駿業笑稱：「麥沛東唱歌我笑到癲，岑珈其令我好驚喜，凌文龍一場喊戲，可以很虐心。」梁嘉琪感性地說：「睇到幾個男仔嘅脆弱，睇到佢哋嘅感情澎湃，可以俾我感受好深，但係會不斷笑。」
楊潮凱點出劇中核心主題：「見到童話裏面男性的創傷，完全搵到男性最痛嘅冇頭髮、矮，直擊大家嘅痛楚，傷口灑鹽後錫番你一啖。」湯君慈則大讚組合：「三個男主演組合好正，好搞笑有能量，希望之後多啲睇到佢哋三個融合。」余潔滢表示：「有好笑、有感觸，我好鍾意Sica同凌文龍關係嗰段故事，令我好感觸，Sica同珈其嘅一段，表達方式好得意，令我對生活有一番諗法。」林千渟笑說：「三個相遇非常有趣，有笑有淚，非常感人，好想睇佢三個融合後會否有一個劉俊謙出嚟。」
張紋嘉說：「好開心笑咗好多次，Sica造型真係好驚喜。」林子傑表示：「全台演員都好好，期待結果之餘，過程亦很重要，睇到演員大玩一番，又有意思。」劉守正則坦言：「很意外，原本以為純娛樂，亦是感動，好濃的兄弟情，意想不同，荒誕超現實劇情。」一眾藝人好評如潮，足見《三一萬能合》首場演出成功以笑聲與淚水打動全場觀眾。
