香港建造學院今日（29日）舉行開放日，洪嘉豪擔任嘉賓，向來對聲音極為敏感的他分享，早前在學院拍攝廣告時，留意到機械運作與傳統工藝所產生的獨特音頻，激發他這次現場將這些似是平凡的聲響，以音樂素材形式，創作出充滿科技感的專屬旋律。提到音樂與建造業的共通點，嘉豪談及自己對混音的要求：「Mixing（混音）同創作唔同，一定要啱晒，嗰一刀剪得唔靚就係錯，對我嚟講係好大考驗。」他直言這種一絲不苟的專業精神，正與建造業追求施工精準度的態度如出一轍。
嘉豪亦與香港建造學院學生在台上交流，嘉豪表示：「如果你仲覺得建造業只係『搬搬抬抬』，咁你就真係『out』咗啦。對我嚟講，建築同寫歌其實好似，兩者都係將一啲原本好散嘅零件或者音符，精雕細琢變成一件藝術品。作為新一代，我哋唔可以被傳統形象框住自己。你問我最重要具備咩？我覺得係『將專業昇華變藝術』嘅勇氣。只要你識得將呢啲科技變成你嘅『樂器』，打好個底，就可以築構出一個屬於自己、好有節奏感嘅未來。最緊要記住『只要肯裝備自己，就可以快人一步，掌握節奏！』」
