洪助昇（Aiden）全新廣東作品《別想跟我再和好》今日（28日）上架。作為今年首支派台作品，Aiden嘗試挑戰自己，首次執導自己MV，收起平日的內斂，能力全展現。
Aiden第一次自編自導自演MV，當中加入了很多自己的愛情觀，相信人與人之間的緣份是有時限，緣盡時就好似相隔兩個空間，今次正好讓Aiden盡情發揮，「一出道已經好想試吓拍自己歌嘅MV，好想喺畫面呈現自己idea。」這次Aiden找來好友George@P1X3L任副導演、George的妺妹Venus任MV女主角，「搵George因為佢夠搞笑，現場可以舒緩一吓緊張氣氛，哈哈！其實佢一知道我要想試吓做導演時，就即刻舉手話要一齊玩，如果搵副導，我會想搵一個同自己審美比較相近嘅人，幫手睇住件事會比較安心，而且我哋識咗好耐，有一定默契，唔使每一樣嘢都要解釋。」
雖然係好朋友，拍攝期間亦有鬧意見，更差點炒大鑊，「拍攝前期，因原本故事不斷修改下，同之前完全偏離，George心裏面有意見，但唔想令大家有壓力，所以冇提出，溝通咗幾次先至講真話，最終演變成激烈討論，都係好事嚟嘅，之後大家都直接表達自己想法及運作，長經驗嘅！」至於找來George妹妹Venus任MV女主角，Aiden指覺得她像韓國藝人韓素希，氣質特別，很適合拍攝這個故事，不過原來一開始她是拒絕的，「多次誠意邀請，最後成功打動佢！我覺得佢都好叻，第一次就已經好專業，今次係佢第一次拍攝MV，之前有拍過廣告。」
問到拍攝趣事，Aiden指拍攝前已有蝦碌事件出現，「拍攝前一日，因為拍攝地方太偏僻，我喺附近租咗一間酒店方便休息，準備瞓覺前，發現唔記得帶hard disk，然後用咗八百蚊的士來回，就係為咗攞返個hard disk，呢一程暫時係我人生坐過最貴嘅的士，哈哈！」
