向來好客的汪明荃（阿姐）和羅家英，每年春節都呼朋喚友到他們家拜年，阿姐大年初一在社交網貼出多張跟拍攝旅遊節目《帶阿姐看世界》的周嘉洛、阮浩棕和周奕瑋等大伙兒的合照，還有在花園樓梯曬冷全體祝賀片段，一如往年般熱鬧。
日前梁思浩與網台節目《娛樂好好玩》跟主持吳家樂、鄧兆尊暢談以前度歲節目，吳家樂提及當年大年初一收工後，就會拉大隊去阿姐家拜年，梁思浩逐告知他不再去阿姐家拜年的原因。他說：「當時我已離開TVB，去到成班TVB人講TVB嘅嘢，原來人咁得意嘅，好似格格不入咁，佢哋嘅話題你加唔到口，但又唔方便俾意見，所以收到阿姐叫過嚟拜年，唯有用啲藉口：『阿姐唔好意思，幾日冇瞓』，搵藉口推。」
推得一年兩年沒去，阿姐自然不再叫，梁思浩續爆以前每年會送一盤桔去阿姐家，有一年阿姐打電話給他：「點解今年冇收你啲桔嘅？」梁思浩最初稱因為當年阿姐搬屋，但跟住就爆送桔故事，是有一年他去肥姐沈澱霞家，見肥姐一臉愁緒望住門口，一問之下原來過往肥姐家門口又大又靚的桔，是哥哥張國榮送。
梁思浩表示據聞哥哥在生時，十幾年來每年新年前一個月，都親自開車去花園選桔貼好送贈給誰的名字，於是當年梁思浩就跟肥姐說：「今年開始我送俾你！」他去哥哥買桔的花園一問，原來哥哥訂的都是頂級五位數字，他只能買3千多元一盤，因為小數怕長計，他送得給肥姐，一定要送埋給Liza姐，然後終於講出之後沒送桔給阿姐原因：「我唔好意思話肥姐都走咗……都係因為你搬咗啫！」吳家樂亦謂離開電視台都沒再去跟阿姐拜年。
