樊亦敏（Amy）為TVB中秋宣傳片以四大造型亮相，包括「貴婦Look」、「亮片Look」、「嫦娥Look」及「啦啦隊Look」，全程將Amy在《愛．回家之開心速遞》人氣角色「三太」的貴氣及鬼馬元素融入其中，演繹生鬼有趣。
宣傳片將傳統中秋元素與流行文化巧妙結合，以「月餅罐爆旋陀螺」為亮點，極具創意，並Hit爆全城，在TVB的社交平台上載不足一日，已破100萬Views。
其中一幕「自己垃圾自己帶走」更深得網民喜愛。片中一位女士大罵男朋友是「垃圾」後嬲爆走人，化身嫦娥的Amy突然「飄」出來說：「自己垃圾自己帶走！」不少網民表示笑到肚痛，瘋狂留言激讚：「呢個最正，睇一次笑一次」、「佢講完嗰句自己垃圾自己帶走，好調皮咁跳跳扎，好有童真啊」、「正面睇，嫦娥卻將二人手掂手，人月團圓之際，唔好鬧交，相親相愛」、「呢啲先有香港Style，AI 做唔到的」。
其實「自己垃圾自己帶走」是香港漁農自然護理署自2015年起推行的公眾教育活動，旨在鼓勵市民在郊野公園遠足時帶走自己產生的垃圾。
對於宣傳片獲廣大巿民喜愛，Amy亦有在個人社交平台留言回覆：「多謝大家，我都覺得呢個宣傳片好得意」、「我自己同身邊嘅朋友們都好鍾意，多謝台前幕後的工作人員及創作的幕後功臣。」最後她不忘提醒大家要記得「自己垃圾自己帶走」，相當搞笑。
