早前林盛斌的大女林霏兒與次女林熹兒出席首映禮，但外貌及打扮被網民人身攻擊，引起熱議。Bob回應指女兒非常喜歡這齣電影，所以應電影公司邀請出席，「佢哋只係十幾歲嘅女仔，去到現場見到好多哥哥姐姐，又見到記者叫佢哋擺甫士，佢哋就跟住做，表現大方得體。」睇到網民對女兒的人身攻擊，Bob坦言唔開心，但他指女兒比想像中成熟及堅強，她們心態好正面，大女兒分享與媽媽去韓國畢業旅行玩得好開心，未受評論影響，「我一直都有教佢哋，喺呢個行業有讚美，自然就有批評，最重要係我哋要在乎邊一啲愛我哋，真正在乎我哋嘅人。」
Bob希望網民對小朋友高抬貴手，「如果大家真係有咩不滿，或者想發洩，可以將火力對準我。」小朋友是無辜的，希望大家將心比己，誰個見到自己親人或心愛的人被攻擊會開心？Bob表示不會刻意減少女兒出席公開活動的機會，只要她們喜歡，一定會全力支持及保護。
更多圖輯：
