綜藝真人騷《魔音女團》昨晚（4日）開播，並即來個「震撼性考核」，16位女團在韓國偶像學院韓籍編舞老師Geon、及同一學院的香港首席編舞老師Lenna T. 的貼身教導下，於2小時限時內即學即跳為時30秒的K-Pop勁舞，除有大量扭pat、手指指等、還有不少女團式手勢及揈水髮等Signature動作。考核形式是16人輪流上台Solo，接受主持蕭正楠、兩位班主任陳潔靈、陳奐仁，及靚仔韓籍排舞老師Geon的評分及Comment。
畢業於英國里茲大學（University of Leeds）舞蹈系的蔡華英（Emily），考核一開始即主動舉手接受挑戰，成為首位上台表演的練習生。雖然Emily完成率近乎99%，但Geon與奐仁均直指她有不足之處，評核準則勁Harsh，陳奐仁：「冇XX冇情緒」，Geon：「作為偶像需要有嘅魅力或才氣，暫時仲未見到」，當中唯獨Miss Chan Chan予以正評。而另一位準確率能與Emily匹敵的，則是被視為Final大熱的喬美莎Chelsea。
至於其餘14位練習生，可以「阿蘭嫁阿瑞」形容；雖然如此，宋宛穎（Sabrina）、盧映彤（Skylar）及倪嘉雯（Carmen）均獲得了高度評價。先說Sabrina，自嘲「冇記性」的她，大部分時候都是自創亂跳一通、獲封「FreeStyle舞后」，但四位評審卻反而覺得她「識執生」，Miss Chan Chan：「我鍾意佢有笑容，咁慌亂仲做到」；蕭正楠：「呢個就係臨場執生嗰樣嘢」；陳奐仁：「呢件事唔簡單，但我哋啲妹妹唔係普通嘅藝人，所以佢哋入到咯。」Skylar則憑厚面皮取勝，Geon：「雖然有啲位跳錯，但因為你厚面皮地繼續跳落去，所以睇你表演幾有趣」。
至於向來被睇高一線的倪嘉雯（Carmen），在今晚播出的第二集確是相當搶鏡，皆因無論發生大小事情，她都會展現出超級驚人「反應包」，例如每當製作組拋出超級難題，Carmen不是皺眉、苦笑就是天然呆；而接受跳舞考核期間，信心不足的Carmen全程以「哭笑不得」的搞怪表情完成表演，結果反令Geon留下深刻印象：「淨係記得你呢個動作，因為你個笑容」、「同其他同學仔比，你算係記得（舞蹈）唔錯㗎喇。」
被視為大熱門之一的莊子璇（Hilary），在首輪考核中則驚現滑鐵盧，令導師Geon也替其捏一把汗：「每次睇你都會戥你感到不安」、「因為你嘅視線成日都會望住個地下。」另外，16位練習生之中，有一位竟然錯到要求Take 2，並被批犯下重大錯誤。
