李龍基昨晚（1日）作客火火、吳若希（Jinny）及曾展望（GM）主持的新節目《奇情谷》，今集主題是「忘年戀」，除首度公開在獄中未婚妻王青霞（Chris）寫給他的情書。節目中李龍基表示剛完成登台回港，他笑言主辦方低估其叫座力，錯失搵錢機會︰「原本可以加多兩場，但係主辦方話『唔好喇，佢同老婆啲嘢搞到咁樣，無人嚟睇』，點知做完三場，現場反應好高興，到佢哋想加已經無辦法，行程傾好晒。」事後主辦方猛叫「走雞」。
李龍基被問到現有的髮型，自言一手一腳設計，他解釋︰「雖然依家一把年紀，上到台都要俾人特別感覺。」對未婚妻入獄事件，他被網民質疑是「衰鹹濕、假眼淚，演技造作」，基哥氣定神閒回應說︰「呢個時段我已經百毒不侵，網民講乜嘢咪由佢哋，你話真好、假好，我完全唔care。對攻擊嘅言語，我全部聽唔到。」對於不少人好奇74歲的基哥，如何能滿足女方時，他豪言有心有力，還即場示範深蹲展示雄風︰「我每次深蹲可以做30下，當然男人到咁上下唔多唔少要補養嘅，最緊要生活習慣要正常，keep住運動。」他笑言接近未婚妻出獄日子，要「加操」保持體魄。
基哥提到Chris在獄中每日都會寫信，每封都長達4頁紙，已累積超過400多封，有些信會畫上圖畫非常有心思。望見面前一大堆情書，火火有感而發說︰「我真係想講一樣嘢，大家可能覺得佢俾『騙子』呃，但個『騙子』做到咁足呢，抵死啦。」在旁的基哥亦附和說︰「俾人呃抵死啦。」當三位谷主讀出部份信件內容時，在旁聽的基哥已眼有淚光。基哥表示這段戀情獲子女支持，未婚妻被判入獄當日，即時收到囡囡的短信慰問，令他感到安慰。他笑言最搞笑是囡囡問「你們會計劃生baby嗎？」
