李思捷重返成長地多倫多舉行兩場演唱會，杜麗莎、張崇基往捧場，思捷除了獻唱廣東歌，亦演繹了英文歌，更穿上多倫多棒球隊波衫，以示對球隊的熱愛。多倫多是他的成長地，他透露對上一次返回多倫多已是八年前，這次開騷，有很多認識了30多年的老友往支持，「小時候讀書的美麗畫面，以及童年回憶都走出來了。」
席間思捷獻唱譚詠麟、鄭少秋、張國榮及四大天王等多首名曲，並邀請顏米羔擔任嘉賓合唱。對於獲得杜麗莎前來捧場，思捷受寵若驚，他憶述17年前首次與王祖藍、阮兆祥舉行福祿壽演唱會時，就是由杜麗莎擔任歌唱導師，他說：「喺杜麗莎老師面前唱歌，有啲壓力！好彩我有用佢教過我嘅歌唱技巧獻唱，佢都話『今次演出OK，睇得好開心』，佢開心，我都好開心。」
適逢農曆新年，演唱期間粉絲狂派利是，「今次收利市真係收到手軟，而且每封都唔輕手，估唔到多倫多粉絲咁熱情，所以我都有少少唔好意思。」問到李思捷多倫多歌迷有否向他催婚？他笑指這類問題一定有講：「好多朋友同粉絲都叫我快啲結婚，成日都講，我都聽慣晒。我覺得順其自然，睇時機，最重要係同對方互相尊重。」談及今年大計，思捷透露會與Hey Brother舉辦演唱會，以及搞創作和綜藝節目。
更多圖輯：
