TVB歌唱選秀節目《中年好聲音4》播出以來話題不斷，繼早前張崇德質疑節目吸引力下降，認為評審團陣容缺乏新鮮感後，評審之一的谷婭溦日前突然宣布因工作檔期問題，將暫時退出《中年好聲音4》的評審工作，引發外界諸多揣測，而鄧兆尊在YouTube節目中，更疑似暗示谷婭溦的離開不僅是檔期問題。今日（9日）張佳添、朱凱婷、張寶兒、黃博、張小倫、甄澤權、曾展望、葉蒨文出席無綫活動，張佳添被問到評審換人，他說：「可惜嘅，因為佢真係由中二開始已發揮好大作用，由佢做導師去培訓參賽者，又令到古淖文可以奪冠，一路去到第四季做評審，佢都係一位好嚴厲嘅評審，所以佢真係幫到節目唔少，出咗好多心血，同好上心，試過有參賽者出局，佢真係喊咗成晚，所以佢突然要離開，真係會若有所失。
（邊位接棒？）我未知，因為前幾日我八卦問節目組，佢哋都話仲搵緊，以我個人覺得佢會搵一個好適合長駐嘅評判，短期內唔係容易嘅事，會唔會係好似以前咁每一集搵唔同嘅人？我個人覺得咁係唔錯，因為每一集會多啲角度及變數，多啲新鮮感呀，咁樣我覺得幾好玩嘅，如果你問我，我覺得推薦以前嘅評審，係絕對可以返嚟，因為有啲真係做得幾好，好似陳曉東、蘇永康及巫啟賢等，好多都做得好好，如果佢哋再嚟玩，真係令到我哋繼續生色不少。（搵伍仲衡？）當然佢曾經喺節目中發揮好重要作用，我覺得呢個世界上無嘢無可能，只係覺得每一個喺音樂界嘅朋友都可以考慮，但結果我控制不到。我哋五個評審好和諧，唔會有問題，都係傳，至於大家有講到資本問題？我肯定無聽聞，不過我自己對於網上評論或者YouTube言論，因為大家言論自由，佢哋有咩諗法？思考呀及猜測？佢哋點講都得，但係我冇理由去留意或作出評論，總之觀眾聽完之後有咩諗法及結論，可以獨立思考。」
更多現場圖輯：
