方力申今日（17日）出席手錶發布會，提到要照顧女兒，所以睡眠質素欠佳，他採取分段睡眠法，每日加埋有八小時，算有足夠睡眠時間。小方日前在社交平台分享女兒的爬行片段，他指家中有好多雜物及角位，開始擔心家居安全。小方笑指女兒是「破壞王」，「見到乜嘢都拉落嚟或掟，又喜歡向上搵嘢」，他表示女兒雙手好靈活，會在地氈上搜尋，連頭髮也能找出來。小方透露今早要女兒錫他，但被拒絕，女兒對媽媽卻是有求必應，不過，他認為女孩子有骨氣及識得拒絕人是好事，「但拒絕老竇就唔係一件好事，所以我而家又愛又恨。」
談到其舊愛鄧麗欣（Stephy）與Cookies成員被指當年欺凌隊友傅穎（現名傅寶誼），繼而Stephy好友在網上留言諷刺傅穎，指她「冇朋友」及高敏，及後Stephy上載做Gym短片，寫道「今次真係相由心生，你睇我個樣幾猙獰」，被網民指責句句有骨，引起公憤，對此小方表示：「我無嘢回應」，至於有否睇過Stephy的健身短片？小方回答：「冇冇冇，冇睇到啊！」
更多現場圖輯：
部分圖片來源：鄧麗欣@instagram
