方力申剛完成入行26年首踏紅館的人生大事件後，今日（21日）他在社交網分享，今年3月中為寶貝女兒Isla舉行百日宴的片段，留言：「喺之前準備演唱會嘅同時，亦都經過Isla三個月大的時候，所以我特別為佢攪咗個百日宴，有返少少儀式感，過咗個幸福滿滿的大半天。」
百日宴在天朗氣清的淺水灣戶外舉行，現場以粉色卡通佈置，Isla穿一身粉紅色裙仔、頭帶和襪仔，在小方和太太葉萱懷裏，一家三口甜蜜幸福，仲有爺爺嫲嫲叔叔的愛錫，及一眾親友的到賀，一同分享喜悅。
