2019年港姐亞軍兼最上鏡小姐王菲，與唱作歌手兼唱片公司太子爺張子丰相戀4年，兩人今天（5日）於社交平台同步發文宣布訂婚。張子丰當日特別安排在夕陽映照的湖中央小船上，向女友單膝跪地求婚，場面浪漫。
從一對準新人發布的照片可見，張子丰選址一處歐式白色建築旁的湖畔求婚。他身穿淺灰藍色西裝外套搭配白色內搭，王菲則穿着一身優雅的米白色掛頸連身短裙。張子丰特別安排了一艘滿載白色鮮花裝飾的小船，2人乘船至夕陽映照的湖心。張子丰在湖中小船上向王菲單膝跪地獻上戒指，岸邊更有親友舉起「MARRY ME」字樣的巨型銀色氣球及紅色心形氣球助陣加油。
二人於社交平台分享求婚相片，王菲更大晒巨鑽。相中所見，張子丰在湖中央單膝下跪送上戒指求婚，湖畔更有親友幫忙拉起「MARRY ME」橫額助威；王菲一句「我願意」，張子丰成功抱得美人歸。談及婚禮籌備，張子丰表示仍在計劃中：「其實我哋好Hea，慢慢傾邊度擺好、搞咩類型婚禮好，未係好急，要慢慢享受過程！」
張子丰爸爸是環星娛樂老闆張國林。張子丰與王菲因合拍劇集《法言人》而結緣撻着，兩人拍拖多年一直未有公開認愛。張子丰畢業於加拿大皇后大學電影系及心理系，其父親為人稱「環星音樂會之父」、身家估計過億的環星娛樂老闆張國林，因此張子丰亦常被媒體稱為「唱片公司太子爺」。他曾以歌手身份出道，其後成立製作公司，執導及拍攝過不少微電影與 MV。
張子丰求婚成功後，與未婚妻在岸邊及船上甜蜜合照。王菲一手捧着一大束紅玫瑰，另一隻手展示戴在無名指上的巨型閃爍鑽戒，臉上洋溢着幸福燦爛的笑容；張子丰則深情擁抱並親吻準新娘的額頭，甜蜜之情溢於言表。照片亦特寫了鑽戒細節，華麗的圓形主鑽在紅玫瑰背景襯托下顯得格外璀璨。
王菲在社交平台以「I said Yes」為題發文，感性分享與張子丰相處的點滴。她說︰「記得剛認識你嘅時候，我就話過你成日懶有儀式感，果然到求婚呢日都繼續貫徹你嘅儀式感，但今次，我鍾意。白羊座係一個超級三分鐘熱度嘅人（至少我係），但對住你每日都唔厭，想黐住攬住。每當有煩惱唔想理，就會萌生『想兩個人一齊逃離宇宙』嘅想法，所有嘢可以好簡單好平凡，好似只要兩個人一齊就乜都搞得掂，一齊放肆食一餐 一齊睇套好戲，就可以令我哋開心全日。好記得有次聚會我哋有個男性朋友攬住你搞笑地講『張子丰同我一齊啦！』，然後你突然間好嚴肅地講『唔得喎！因為只有同王菲一齊嘅張子丰先係the best version 嘅張子丰！所以我冇可能離開佢』，個吓，默默地好感動。我諗我呢世人應該唔會再遇到一個我咁愛而又咁愛我嘅人，當身邊所有人都同我講『呢個人真係好好』嘅時候，我想講『係啊我知啊！所以我揀啱咗啦』。往後人生，合作愉快﹗」
張子丰則說︰「曾經覺得人生好迷惘，但係妳嘅出現，令我知道原來生活係可以好開心、好幸福咁過。然後有一刻，我知道呢個就係我想一齊過一世嘅人。我覺得，一定係個天派咗個天使落嚟俾我。由最初好習慣自己一個人生活，到依家自己一個人瞓會有啲淆底、一個人起身又有啲唔慣。好享受每一次二人世界，每個Weekend搵地方玩、搵地方探索、搵戲睇，要一齊睇晒全世界嘅戲。以前成日有一個唔知屋企係邊嘅感覺，依家知道，邊度有妳有我，邊度就係屋企。『餘生多多指教』呢啲老土嘢唔講喇，總之以後我哋兩個拍住上，一齊繼續進步、繼續成長；一齊去探索呢個世界、感受每一分每一秒，精精彩彩咁過埋餘下嘅人生。」
