張婉婷監製，黃綺琳與黃鐦聯合執導的電影《我阿爹想旅行》將於10月中公映，該片獲香港電影發展局「薪火相傳計劃」資助，由張家輝與鍾雪瑩主演。故事講述由鍾雪瑩飾演的電影美術助理「阿女」莫子珊，為張家輝飾演的患癌「阿爹」莫鎮強奔波於片場與醫院。珊欲留在醫院陪伴父親卻被劇組分配了臨時任務：前往道具倉拿取大湯碗。父親堅持陪她出去，兩人連夜溜出醫院，無預警展開了一段公路旅程：從新界到澳門、從澳門到沖繩，彌補了強的遺憾；在甩轆與笑聲背後，是父女之間最真摯的愛。
談及今次參與《阿爹》成功解鎖，創下好多個第一次，家輝認為兩位印象中文青嘅導演黃綺琳同黃鐦超出想像：「估唔到佢哋原來咁重口味，唔係畫面上，係故事上用心同埋用意。感受到兩位導演對於角色嘅情意好強，投入得好深。」家輝首次與鍾雪瑩合作，大讚她好有自己主意，「之前都有睇過《填詞L》，佢係我好欣賞嘅演員。」
鍾雪瑩第三度夥拍黃綺琳及黃鐦導演，她笑說：「今次故事規模比前作更大，牽涉畫面類型更多，見到兩位導演喺戰戰兢兢嘅拍攝過程入面，成功解決好多問題，好戥佢地開心，好似為自己又過咗一關。」阿雪坦言拍攝經驗尚淺，對於跨地域拍攝大感新鮮：「未試過拍攝一部電影，成日需要去咁多個地方，好似戲名一樣，不過係成個劇組去旅行。」對於阿女「子珊」一角，阿雪有自己的解讀：「我視呢個角色係陪伴者，同時係一個旁觀者，陪伴家人去履行一個承諾，陪佢去見證一啲想發生嘅事情，所以呢個旅程係好一個難得嘅旅程。」預告片中見到久未有拍戲的蒙嘉慧現身，Yoyo年前移居日本福岡經營房地產公司，數年後，鄭伊健受訪時透露她已完成「學習」並回流香港。
更多圖輯：
