坤哥表示為了多參加比賽汲取經驗，曾膽粗粗參加了+84個人男子組選拔：「好彩地俾我合符咗資格，雖然明知自己嘅水平未夠，而大家都話呢個級別好有可能會受傷。但如果唔去，唔知仲有冇機會可以代表香港出賽，所以決定再任性一次，感謝各位大佬俾我唔錄歌住拍劇請假去咗9日，亦都多謝隨團教練同隊友嘅接納。」
坤哥謂比賽過後更感覺到自己的渺小：「雖然輸了但嗰種痛快是無可取代的，一日仲郁得我都會練得再好啲、下次再打得好啲，估唔到我都可以講一聲：『我係香港運動員』。」坤哥最後表示上機返港，分享的照片中有兩張自拍，是記錄自己無事，他更在帖文下給老婆濱口愛子留言：「沒死！」老婆即回他：「一直在看著你」，超有愛。
