前名吳文忻的吳忻熹（阿Nat），因乳癌復發並擴散至淋巴腺，已接受化療及細胞治療等抗癌。她上月下旬因心臟及肺部積水入院留醫，昨日（17日）她的社交平台上載了一條短片，片中的阿Nat臥病在牀，插鼻喉接受治療，其間傳出痛苦呻吟聲，雖然一臉病容，但她仍樂觀面對，加上有不少親友探望，令她好感恩，最後更說：「關關難過關關過，我一定會過到嘅。」
至昨晚阿Nat再更新社交平台，留言：「多謝大家關心，我很好。剛剛好多朋友轟炸我電話，過百個msg（messages）問候我，個個都以為我再入院，好擔心！嚇！我明明喺屋企喎！點解嘅點解嘅點解嘅？
「原來經理人剛剛請了個小助手，幫我整合之前的片和相，想分享我抗癌嘅日誌，但就擺咗烏龍，冇講清楚post咗我之前入院嘅舊片。造成咁大誤會，真係唔好意思，非常抱歉。放心，我而家喺屋企休養中，冇再入院。令到大家咁擔心，真的真的不好意思，同時真的真的十分感動，因為你們的愛和關心，是永不止息。」
