吳卓羲昨日（27日）現身冬日美食節並擔任表演嘉賓，吸引不少粉絲前來捧場。目前單身的他被問到何時拍拖時，表示：「盡緊力㗎啦，你估我唔想啊？等緣分一到，個女主人就自自然然會出現。」他又笑言不需要好兄弟黃宗澤幫忙介紹，「Bosco自己都未搞得掂啊！」吳媽媽現時也不敢催他結婚，因為以前催過一次卻被他埋怨多年，他說：「佢話我成日喺媒體話佢，佢話：『我幾時有催過你啊？我只係講過一次（恨抱孫）啫，你又唔使唱到我今日嘅。』」
吳卓羲早前到佛山出席活動時，因為太受歡迎，圍觀粉絲擠爆現場，場面混亂，他離場時除了不慎被絆倒，又被扯衫和摸手。他憶述當時場面混亂，「除咗手，我感覺唔到身體其他重要部位有冇畀人摸，只記得喺混亂中幫粉絲執鞋，總之唔想粉絲為我受傷。」他被問到會否考慮舉行握手會時，笑言早前在馬來西亞宣傳時，主動向粉絲握手，卻慘食檸檬，不過若在受歡迎的大灣區舉行可以考慮。
