古淖文（German）推出新歌《OH YEAH!》，最近接受商台《星光背後》訪問。German作為家中獨子，小時候已受梅艷芳影響而立志當歌手，求學期間更已當上宴會歌手；他於09年已獲安排代表澳門特區，與陳慧琳、張惠妹及孫楠等三地巨星合唱全運會主題曲。他同年獲朋友推薦參加《亞洲星光大道》，坦言最初自視極高，「嗰時自我感覺非常良好，覺得自己高大靚仔唱歌跳舞都勁，震音又夠震，諗住贏硬，點知衰咗！」他最後只得第五名及奪得「最佳台風獎」，簽約亞視後留港發展5年，月薪卻不足以應付生活，幸好有肥媽帶他到出埠登台，又有父母的經濟支持才得熬得過，他說：「月薪得7000蚊，都無辦法，問澳門阿媽攞住先，屋企人佢哋一定幫。」German幸好沒有家庭負擔，父母亦不需他供養才容許他一直追夢，「廿幾歲都問阿爸阿媽攞錢唔羞愧，哈！因為阿爸阿媽係公務員，都有積蓄，亦擔心我呢個獨仔，咁我當時搵唔到吖嘛，我搵到畀返佢哋，都係應份。」
German於2014年與亞視約滿後，當時有公司邀請他回澳門繼續唱歌，雖然期間推出過一張專輯，但他慨嘆十年間由歌手變成宴會主持，感覺懷才不遇，「因為我啲中文葡文都得，好多官方活動就成日做MC，但我心願係唱歌，成日都諗懷才不遇，成日問機會點解唔係我？最終2019年情緒出現問題，但回想無當時嘅遭遇，就唔會變成我而家嘅性格。」
German兩年前決心回到香港再戰歌唱比賽，便參加了《中年好聲音2》，他重申與肥媽無關，「佢無畀任何貼士，仲同我割席添。」至於被一直受Haters攻擊，他則一笑置之，「成日話我人妖呀，肥媽契仔兼私生子，係得啖笑！唔嬲，因為明白無辦法取悅所有人，最緊要了解自己、愛自己，要知道自己係乜嘢人，要做好自己想做嘅嘢，當你做好每一件事，無論唱又好，演唱會都好，自然會有人欣賞你，歌迷同貴人就會出現。你唔去做好，就乜都無。」樂壇前輩甄妮亦指他「油膩誇張」，German坦言不介意，反而感到開心，「殿堂級前輩都留意我，就要虛心學習。」
去年衣錦還鄉於澳門完成兩場演唱會，令German感覺百般滋味，「最初比賽係鍾意唱歌，為自己唱，無諗過贏咗冠軍，澳門所有朋友嘅Facebook都洗晒版，就好似運動員攞金牌咁，我好似為自己嘅城巿做咗啲事。到返澳門開騷，老竇好感動，阿媽都係照舊表面冷淡，但佢一個擁抱，我就知佢好感動。」
