古天樂見到父母很難木口木面。
古天樂媽咪近年經常出席圈中人的飯局，見慣見熟，反而古爸爸已有多年沒公開露面。昨晚（26日）古仔在threads罕有貼上與父母的合照，齊賀「媽咪生日快樂！」
照片中古仔從後搭着兩老膊頭，前面有一個蛋糕和四個壽桃包，古仔更在照片下再留言：「本來想保持傳統木口木面影張相，但有時見到佢哋就係會忍唔住微微嘴笑」。拍檔宣萱與一眾網民除留言祝古媽媽生日快樂外，亦有人表示：「嘩，好耐無見過古爸喇，個樣仲係咁醒咁精靈，可摸耳（可唔可以）帶埋佢去團年飯？」更有網民為照片來個3D figures版，蛋糕上貼有過往古仔與父母的合照。
網民給古仔弄的3D figure版．
