Albert在社交網上載，與太太陪兩個仔搭飛機到當地，兼且由他開車送兩個仔去開學的片段，但當來到兩公婆終於要回港時，Albert攬住兩個仔說：「俾心機讀書知唔知呀？（知道！）知唔知呀？」跟住Albert望鏡一直「Ohohoh」，原來他強忍不捨之情，但最終都是要爆煲，攬住囝囝爆喊，兩個仔反而比他鎮定展露笑容。喊完後他再說一次：「記住聽教聽話呀知唔知」，兩個孩子齊答他：「知道」，他又除眼鏡抹眼淚。
Albert帖文留言：「兩個仔，已經開始挑戰自己，學習獨立展翅高飛！鼓勵佢哋信心要足夠，其實父母亦都學習放手，彼此都要加油！#仔仔升學去 #爸爸哭崩堤」。
兩個孩子一齊離開家庭，Albert不忘安排與太太往後下來的生活，及為自己搲撈：「作為區太嘅朋友，自此之後可以多多約佢Hang out！而作為我嘅新舊客戶，請要多多想起我喔，因為有兩個仔在外升學，感覺是多麼的刺激興奮？！你們懂的！」
