劉德華今日（13日）到商台宣傳新歌《我年輕過》，及推出全新專輯《About Life》，華仔透露專輯分別有Studio及音樂廳錄製版本，他創作了5首新歌，包辦曲詞，《爸爸》談及已故爸爸、《萱草》寫給媽媽，《芬芳》與《小天使》寫給太太與女兒，以及《我年輕過》。
華仔透露年半前開始寫歌，創作過程好快完成，所以好早便錄製完Studio版，但團隊提議試用Live的感覺去演繹，華仔自言感到有壓力，「因為唱全新歌曲，仲要面對成百人，其實有啲壓力！佢哋話唔緊要可以唱返啲舊歌先，所以我哋選擇另外7首舊歌，就加埋兩首新歌一齊唱。」
華仔憶述在音樂廳錄製新歌《我年輕過》時曾感動到喊，見到現場過百人當中有一些可能跟他一起長大，他們喊得較華仔更厲害，「我哋只有四次錄製機會，一次連燈、排練一次，另外就拍三次，後來都合埋眼唱唔望佢哋。」華仔除了作曲，也寫了一些文案，希望幫忙宣傳的同事能了解他的創作原因。被問到可會舉辦簽唱會？華仔指12月18日紅館演唱會開鑼，所以抽不出時間，他寄望專輯可以有數萬張銷量。
更多現場專輯：
