吳業坤、盧信宥、甄采浠今日（24日）出席家居品牌活動，坤哥開心終於有人看見自己住家男的一面，「始終結咗婚，屋企又有狗仔，我好努力畀大家睇見我嘅廚藝同平時都會放狗，因為𠵱家好多時間在外地工作，所以一返嚟香港都想抽多啲時間陪家人，所以都會在家煮飯，食得健康啲。」34歲的吳業坤，2020年開始學空手道更曾到日本深造，近月甚至成為香港代表隊空手道運動員，並首度代表港隊出戰於烏茲別克斯坦舉行的亞洲空手道聯盟（AKF）選拔賽，「估唔到三十幾歲都可以開始做運動員，真係必需要有人鼓勵，多謝師傅，佢一直鞭策我，因為單靠自己嘅意志力係唔夠，係要相輔相成，自己唔係要贏幾多比賽，係好想多啲人去認識及了解空手道。」練習空手道，令他學會慢活，「因為娛樂圈好多一夜爆紅，但練空手道就好唔同，需要時間慢慢練習，再考試攞黑帶，再比賽先可以取得資格，然後才去更大型嘅比賽，令我學識凡事要慢慢來。 」
2022年與日本藝人濱口愛子結婚，婚後相當恩愛，他多謝太太支持追夢，「最緊要唔好受傷，佢比我好多時間做自己喜歡嘅事，因為現在返初級港隊代表隊，一星期至少要練兩晚，如果要比賽就更加多時間練習，難得去到住家男人嘅年紀都可以玩自己喜歡嘅運動，已經好好。」
更多現場圖輯：
