余慕蓮因為外傭返鄉嫁女，放一個月假，在好友安德尊安排下，暫時入住老人院。TVB娛樂新聞台日前與譚炳文女兒譚淑瑩一同前往探望。余慕蓮表示在新環境有點不習慣，但見她精神不俗，對答如流，她透露好友邵音音、黃夏蕙及吳麗珠等亦有前往探望，又有朋友相約外出飲茶。
余慕蓮在老人院不愁寂寞，已認識了一班麻雀腳，「最近有啲院友問我玩唔玩牌，一蚊一鋪，自摸就兩蚊，輸贏一、兩蚊，輸晒都係20個籌碼，即係20蚊。」余慕蓮下月初89歲生日，她在2020年確診患上肺纖維化，一度於鬼門關外徘徊，後來情況慢慢好轉，一直服用標靶藥至今，每月藥費雖然要花數萬元，但健康情況穩定，不過，她表示沒有胃口，「啲牙甩得七七八八」，笑言要「食軟飯」。
面對近日好友如陳敏兒、鍾景輝等相繼離世，余慕蓮抱住樂觀心態面對，「我而家自我開解，排緊隊啦，敏兒咁後生都走咗，鍾景輝又走埋，我唔驚死，希望我瞓瞓下覺去咗！條路係必經㗎，我同醫生講咗，只要我將近唔得呢，唔好救我，唔好插滿晒喉，由得佢去！」
余慕蓮於2024年，立下平安紙，把遺產捐作慈善用途，「我平安紙寫好晒，交俾安德尊同米雪處理，我間屋捐俾東華三院，如果銀行仲有餘款，米雪話最好捐俾因為工業意外傷亡嘅死者家屬。」
更多圖輯：
部分圖片來源：邵音音@instagram
