11月5日，藝人J Arie及小肥亮相由伍詠薇、李凱賢主持節目《九運會客室2》，二人大談性經驗，令尺度大解放引得Brian不時爆粗助慶。J Arie豪言「鍾意 sex 唔代表係濫」，逗得伍詠薇站起來支持：「你講出 Auntie 三十歲之前嘅心聲！Yo! 」。其後李凱賢問及二人「最差性經驗」時，小肥率先自爆性伴侶有體臭，但基於「禮貌」並沒有拒絕：「試過嗰次喺倫敦，即係同佢相貌不符嘅人……嚟咗（發生關係），跟住仲要有……好臭……好似好臭朱古力味。」Brian聞言爆粗回應：「嘩！臭已經頂……頂唔順啦。」小肥自詡「禮貌大使」繼續發生關係：「我諗唔講出嚟，我禮貌嘛！」
而J Arie亦豪放大談性經驗，直言曾與大隻型男發生關係，更替對方口交：「即係我已經好 service，即係一啲口部嘅 service。呢個都係調情嘅一部分，我service完佢就想錫佢個嘴，點知佢唔畀話『Dirty』，嗰個係佢㗎嘛！」Brian爆粗直斥男方人渣，現場氣氛非常惹笑。
而康子妮在本週壓軸（11月6日）亮相HOY YouTube頻道《九運會客室2》，自爆被要求飾演「鍾嘉欣媽媽」：「因為其實我做咗冇耐已經生小朋友，佢哋就將我嘅定性為『媽媽』，有次有個 PA 打畀我『Lily，有個角色搵你做你睇吓得唔得？』，佢話做鍾嘉欣阿媽，我話等陣先！我同嘉欣好似差唔多年齡！角色已經係好客串，即係可能得一兩個鏡頭、計半個騷，我發現已經開始即分咗我去嗰個位。」康子妮看透人生無常，並沒太計較得失：「如果好嬲其實係冇用，因為係咪都會發生。調返轉頭睇返嘅時候，就係因為咁慢慢就去做音樂。」
伍詠薇亦有深刻體會，笑言要「自己幫自己」：「好似我哋嗰輩，以前我做開嗰個角色，一有類似角色就搵你做！嗰時我喺亞視都一樣，佢做開風塵味……我四、五套都係做呢啲，做到我要諗『今次點演繹呢？』，好似好叻有四個演繹方法，即係變咗你做『阿媽』，佢就覺得以後就搵你做『阿媽』，唔係阿媽就都係阿姨。」
節目亦會分享康子妮由加拿大回流香港入行經過，又透露現時開拓音樂、保險事業，以及學音樂的兒子會否入行的話題。
