剛於10月25日度過41歲生日的張與辰，近日忙於吃生日飯及舉行粉絲見面會，生活忙碌；自從他憑《中年好聲音3》奪冠後，不但成為人氣王，粉絲數量急增外，就連工作量亦飆升，不過忙碌背後，有得則有失，繼6月突然身體不適要急送院治理後，張與辰身體卻響起警號。
「工作狂」的張與辰，日前為代言的保健品拍攝廣告，他透露自小受失眠困擾，嚴重影響工作狀態：「歌手休息不足會影響聲音，好多人問我參加《中年好聲音3》後，會唔會因壓力大令失眠變得嚴重？其實失眠情況冇變得嚴重，因為原本已經好嚴重，我最差試過52小時冇瞓，其實好辛苦，唔夠瞓好傷肝。」
以前持住年輕，覺得捱下夜冇乜所謂，後生頂得住，不過張與辰說近日的確精神體能也明顯變差 眼和臉色都偏黃，有時出現「口苦苦」的狀況，令他決意去做檢查，驚見肝功能指數一度出現異常，有肝脂肪積聚問題，他說：「好多專家都講肝問題係『隱形殺手』，如果肝指數超標，一直唔理，等到肥仔肝慢慢硬化就大件事！」張媽媽更因此十分擔憂。
經此一役，張與辰明白健康是絕不可以透支，尤其是做音樂和表演工作，狀態好與壞，觀眾其實好容易感受到。「身體未出問題前，真係會覺得自己撐得住，直至問題出現，自己先識得去關注身體健康。為咗好好護肝，我而家已十分注意飲食，盡量早休息，最重要係食埋保健品，狀態明顯改善不少。」最近與辰再做身體檢查，結果顯示全部指數變回「靚仔」。
子女病倒，最憂心的必定是父母。張與辰媽媽除了苦口婆心提醒他保重身體，每當他返回馬來西亞，媽媽都會為與辰預備補品和湯水，「媽咪成日提醒我早啲休息、飲多啲水、少食炸雞，不過我真的太鍾意食煎炸嘢。每次返馬來西亞，媽咪都會煲補品同湯畀我飲。」
身體固然要健康，不過他笑言最希望工作長做長有，可以去唔同城市開騷，「如果有機會喺紅館開就更加perfect！」