TVB娛樂訪談節目《一周星星》今晚（20日）一集請來經典處境劇《皆大歡喜》四位演員薛家燕、廖碧兒（Bernice）、陳彥行、鄧兆尊擔任嘉賓，接受主持區永權訪問，暢談當年拍攝點滴，並大爆鏡頭背後鮮為人知的秘密。
節目「獨家考古」環節重溫《皆大歡喜》多段經典片段，其中兆尊向行姐求婚的一幕，令眾人看得相當感動。家燕姐忍不住爆料：「我感覺到佢哋嗰陣時好似假戲真做。」
行姐憶述當年與兆尊合作的點滴，笑言：「我想講年少唔識嘢，佢嗰陣時好為我哋成組人設想，買嘢畀我哋食，大家住喺港島區，佢收工車埋我返屋企。」被問到可會後悔當年「唔識貨」？行姐二話不說：「真係唔識貨。」至於兆尊被問到有沒有想過行姐做女朋友，他直言：「自己覺得自己唔配，黃花閨女，樣靚身材正，智商一般，最難得呢樣嘢。」行姐聞言即反擊：「我Feel唔到佢對我有意思，我覺得佢煩添。」
自當選國際華裔小姐冠軍後，Bernice獲力捧並被安排參與《皆大歡喜》演出。她自爆當年拍攝時，如果不小心講了英文對白就要被罰錢：「只要我講一句英文對白就要罰10蚊，所以我第一個月定第二個月，兩個禮拜冇咗9千蚊。」
「你問我答」環節請來劉丹、梁思浩、米雪、謝天華隔空提問兼爆料。兆尊大方透露與三個賢內助的和平相處之道，以及外界對他有幾多身家的諸多傳聞，他坦言極度不鼓勵有多頭家。他更當場自爆因行姐一句說話：「你最窮嗰時戶口得1億呀？」而害死他，相當搞笑。
另外，家燕姐更罕有談及感情事，坦言：「係一件開心事，但我唔會再諗結婚。」她很開心身邊有人噓寒問暖。
