Advertisement

一周星星|江美儀被欺負向梁思浩哭訴 食量驚人曾清空鄭則仕糧倉

本地
2026.04.19
撰文:Heyla Wong

TVB娛樂訪談節目《一周星星》今晚(19日)播出第十九集,請來《試真D》四位主持江美儀、朱敏瀚、曾展望(GM)及吳業坤擔任嘉賓,接受主持王鎮泉訪問,大談拍攝趣事。四人的好友更輪流「踩場」爆料,以刁鑽問題輪番「逼供」。

江美儀食量驚人,曾打爆鄭則仕家中糧倉

美儀率先以前輩身份點評四位後輩,包括因工作未能到場的周嘉洛。原來憑爆肌身形成功轉型的嘉洛仔,每朝必須食八隻雞蛋「補肌」,蛋白質絕不能少。至於GM則被爆曾經「臭親」粉絲及餐廳老闆娘,美儀笑言:「我哋去到一個地方,有好多人好興奮咁嗌GM,成班女仔圍住佢,第二日我哋就話:『GM,你咁臭,你有冇諗過啲粉絲會點㗎?』」除了「道士」身份,GM私下竟是「神醫」,曾親手醫好吳若希「瞓捩頸」。

輪到美儀自己,好友梁思浩連環爆料。思浩踢爆有次與她及其他朋友在酒樓包了兩枱飲茶,結果她竟點了100籠點心,令他嘖嘖稱奇。美儀坦言自己確實食極唔肥,食量驚人,更難忘曾打爆鄭則仕家中「糧倉」:「有次去鄭則仕屋企打邊爐,將佢全屋企嘅嘢全部食晒!」此外,她還會應郭柏妍要求,親自以數百字回覆如何「著黑絲著得咁靚」。

硬朗外表藏軟弱內心,美儀自認「樣衰蝕底」

思浩續指,美儀外表硬朗看似很惡,其實有不少被欺負的經歷,更曾接過她的訴苦電話:「其實你哋覺得佢惡啫,我識咗佢二十五年,有時我要氹番佢轉頭。有一日佢打畀我:『嗚嗚……點解佢哋要咁樣蝦我?』有時你哋覺得美儀惡,其實我覺得佢係唔想畀人蝦,因為喺娛樂圈蝦佢嘅人都唔少。」美儀應主持王鎮泉要求,在節目中詳述被蝦經歷,並親認性格蝕底:「我個樣又衰嘅生得,坐喺度好似好串咁。」

另一爆點是,90年代擔任模特兒的美儀豪爽大爆當年做Model報酬極好:「嗰時都成2、3千蚊一個鐘,一個job minimum係四個鐘。」

節目還重溫了早前網絡翻Hit的《名媛望族》中美儀的演出片段,王鎮泉要求她以三種不同情緒演繹戲中經典對白「As if I care」,隨後更以「甜酸苦臭情境題」考驗四位嘉賓演技,笑料百出。

陳卓賢 星級企業大獎2020 聲夢傳奇
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹