張與辰剛推出廣東歌《迷戀有害》，近日再有國語版《Romantoxic》派台，與辰為讓粉絲更了解新歌拍攝MV實況，日前在九龍灣舉行MV展覽會，重現MV場景供粉絲打卡外，還可以抽「FALALA」（與辰設計原創卡通人物）MV造型公仔盲盒。而抽中盲盒隱藏版的30名幸運粉絲，除了可以聽到與辰現場獻唱新歌及多首歌曲外，還可以扮演MV女主角跟與辰合照。
展覽原定舉行兩日，但撞正颱風襲港，因此濃縮為一日，但雖然掛着3號風球，依然有大批歌迷到展覽會參觀，晚上與辰到場與30名幸運粉絲舉行專屬「迷你音樂會」，演繹《迷戀有害》之外，還讓歌迷點唱，最終唱了《LOVE》、《Forever Young》、《魔鬼中的天使》、《你好不好》、《擱淺》及《太傻》等多首歌曲，之後與辰再跟粉絲逐一合照。
與辰表示見到歌迷在MV場景打卡及抽中隱藏版公仔時表現興奮，他亦覺得好有滿足感，「睇到fans打卡好開心，抽中咗隱藏版更加興奮，好難得做到呢件事，我之前嘅MV都冇辦法俾到個場景大家打卡，今次可以做到啲唔一樣嘅嘢，好開心可以成功。」
《迷戀有害》和國語版《Romantoxic》先後推出，與辰想知歌迷會較喜歡那個版本，「我幾好奇歌迷會鍾意國語版定廣東話版，因為兩首歌雖然旋律係一樣，但係聽感上係好大分別，連個故事內容都唔一樣，冇咗神話故事嘅背景，係直白𠱁女朋友咁樣，過嚟俾我攬住你，等我𠱁你錫你咁樣。」與辰除了會在社交平台收集意見之外，還預告趁着暑假會再有活動舉行，落區親自收集歌迷意見，「嚟緊8月初會有架新歌嘅專車喺街上面行，我都會上埋架車度，好似謝票咁，我都好期待，未試過應該幾有趣，希望到時大家可以喺街上面偶遇我啦！」
更多圖輯：
