《虛擬情人》昨晚（1日）播出第四集，劇情講到心地善良、思想單純的Adam（朱敏瀚飾）走出現實世界後，感覺到三名鐵粉心心公主（吳文懿飾）、Audrey（楊卓娜飾）及歐陽潔伊（鄧伊婷飾）似乎各有難處及奇怪點，遂嘗試深入了解，其中長期備受肥胖及自卑問題困擾的心心，因暴飲暴食兼亂食減肥藥昏迷送院，因而遇上陳豪客串飾演的李文信醫生，他不忍心心自暴自棄，嚴厲地教訓心心一餐，最後更給予愛的抱抱，場面溫馨。
陳豪接受無綫娛樂新聞台訪問時，談到有「愛的抱抱」時，佻皮回應：「我諗我嘅角色就係要畀人攬攬」，又坦言再次穿起《白色強人II》的戲服，回憶返晒嚟，「我今次主要係要演到醫者父母心嘅感覺，我會教訓同埋鼓勵心心，我都好期待自己可以喺劇入面發揮到咩作用。」
飾演心心的是2022年藝訓班學員吳文懿，當時仍是新人的她，能夠與視帝有對手戲，吳文懿坦言一度興奮到手震，她在社交網發文：「記得當初考入藝訓班，已經casting呢個角色，作為咩都唔識、新人演員嘅我，真係好緊張！好多謝瑋澄監製願意畀機會我，仲要同我細細個睇電視就好鍾意嘅陳豪合作！當收到劇本嗰刻，我攞住電話足足尖叫咗三分鐘（阿媽以為我撞邪）。記得同Moses哥對戲，對手仲震過打冷震，佢真係好好人，唔會畀壓力，好Nice咁同我傾偈，畀我好放鬆咁樣去做戲。」
據知劇集監製林瑋澄曾為《白色強人II》擔任導演，因而認識陳豪，由於《虛擬情人》是瑋澄處男監製作品，遂膽粗粗邀請陳豪以彩蛋身份客串，陳豪亦爽快答應。據知，瑋澄還邀請了另一位曾在《白色強人II》合作過的演員在結局周中客串。除了陳豪，亦有藝員驚喜客串，分別是第二集的何晉樂及第三集的香港運動科學學者雷雄德。雷Sir首度參演劇集，但演出自然生鬼，令觀眾感到驚喜。Rock在未入行時，亦經常在街頭Busking，對於飾演街頭歌手同樣感到「回憶返晒嚟」，他在受訪時透露：「今日天氣好好，又好有回憶，所以好開心；因為揸住結他唱歌，好近距離咁接觸觀眾，對於雙方都係好深刻嘅感受。」
更多圖輯：
