處境劇《愛‧回家之開心速遞》即將迎來大結局，近日劇情發展繼續成為觀眾關注焦點，今日（1日）及明晚主角是觀眾極為喜愛的龔水CP—龔燁（張景淳飾）及熊若水（呂慧儀飾）。事緣Madam Ceci（林漪娸飾）因肖像畫作被毁淪為笑柄，誓要大小姐（林淑敏飾）找出真兇！大小姐幾經衡量，決定犧牲龔燁，即時開除！Ceci為了報仇龔燁，更使橫手令龔水無家可歸……
龔燁被炒後無意間遇到一名龍鬚糖伯伯，遭其啟發決心展開第二人生「活化」這個傳統美食，並在根叔（劉丹飾）教導下學整龍鬚糖。這兩集最大亮點，是「龔水CP」將上演「世紀龍鬚糖之吻」，為配合劇情，張景淳很多場口都是親身上陣拉龍鬚糖，他透露劇組有安排專業師傅在旁邊拍邊教，並笑言「整唔難」，但要「好食就好難」，「同埋每拉一嚿麥芽糖磚，原來先整得幾粒，所以龍鬚糖真係工夫嘢食，每粒都好珍貴。」
另外，熊家成員，包括劉丹、呂慧儀、滕麗名、周嘉洛、單立文及張景淳開工時，接受《東張西望》及無綫娛樂新聞台採訪，首度披露將於稍後推出多項網上活動與眾同樂，包括徵收網民及粉絲對於未來劇情走向的意見，以及將推出《愛‧回家》鐵粉Q&A問答比賽。大家只需由6月5日開始，緊貼TVB官方社交網，及黐實《愛‧回家》，便會找到留言機會及參加問答遊戲互動QR Code。
眾人大爆自己角色未來的重點走向，包括安Bon（周嘉洛+林凱恩）CP及「雙大CP（大小姐林淑敏+大家姐滕麗名）」走向，阿滕順勢公開招募虐待大小姐大法，「其實我覺得呢，因為佢哋現實中對自己老細唔可以咁樣做，所以就寄情喺我哋嘅劇情入面，有個咁嘅正義之士出嚟、等佢哋對老細盡情報復。所以如果你哋想喺嚟緊劇情裏面睇我點樣虐待大小姐呢，絕對可以將啲意見寫落去（TVB官方社交網）留言區度，我會盡情幫你哋發洩！」
金城安除了被大家追問與Bonnie後續發展，更被認定與朱凌凌及李莫愁均相當「曖昧」，對於安仔最終情歸何處？周嘉洛與「媽咪」一樣公開呼籲網民踴躍俾意見、影響編劇最後決定：「其實我都知網民有好多都好鍾意安Bon呢個組合，我覺得大家可以反映吓，睇下大家個力去到邊度，呢啲嘢真係好難講㗎嘛……」
更多圖輯：
