《女神配對計劃2》昨晚（13日）播出的第二集，除了有郭珮文的前度Ice求復合之外，吳兆麟（Alan）登場向陳若思（Amber）表白，成為另一焦點。Alan尚未現身時以真誠又溫柔的聲音說出：「Hello！Amber我從認識你到而家，一直都對你有好感，你身上有種特質吸引住我，促使我嚟到呢個節目去更深一層了解你。」當Alan現身後，Amber全程怕醜掩嘴，並坦承腦內一片空白：「我都唔知問咩好，我腦袋一片空白。」
Alan續指最喜歡Amber的地方是既搞笑又鬼馬：「嗰時同佢拍嘢，我覺得呢個女仔Interesting」，豈料Amber卻爆出對Alan持相反看法，並直認當時不喜歡對方：「我拍嗰時有啲唔鍾意你，你係第一個傳染Covid俾我嘅人。」Amber閨密劉倬昕（Sam）聽畢也連連點頭：「Amber有講過呢件事，佢好在意架。」
Sam連打兩次電話「介入」二人，第一通電話更是打Alan小報告。Sam向Amber透露，曾聽聞Alan婚後不想另一半工作，Alan聞言激動呼冤，更篤爆Sam在背後搞鬼：「Sam Lau你講呢啲嘢呀？Sam Lau你出嚟！」之後急著向Amber澄清：「OMG，你真係唔好聽啲旁人講嘢 ！」、「我老豆話娛樂圈好混亂，最好一個出去、一個喺屋企，或者Sam從我老豆度聽番嚟都唔出奇，但我唔係咁樣諗囉。」說畢又向Amber派定心丸：「我希望你做嘢，我希望你work with me。」之後，Amber又在Sam推波助瀾下，問Alan為何今時今日才展開追求，對此Alan謂：「你記唔記得上次食飯，其實你行入個房我都有留意你，每次我哋都係一班人，我次次都唔肯定呢個感覺，因為我從來未有單獨時間同你相處」、「其實我諗過唔上嚟，因為我唔知道你對我感覺係點，我驚我上到嚟俾你拒絕我會好瘀，但I make it here，所以我想睇吓你對我感覺係點樣。」
最終，深受感動的女神一致撳燈讓Alan過關，Amber事後坦言好開心能與Alan進一步了解：「我都覺得你好真誠，其實一路我都好鍾意你拉小提琴，所以我想了解你更多。」
更多圖輯：
部分圖片來源：吳兆麟@instagram
