陳柏熹（Harris）昨晚（1日）出席《VIRTUOSE：高級訂製服的藝術 2026》時裝表演，他透露早已接獲邀請，但在星期一才決定出席，因未知心理上是否已經準備好，但他想支持政府及同行，見證每一年香港時裝與文化的活動。
Harris年前在深圳遭遇車禍致嚴重毀容，花費逾200萬，經歷6次大大小小的手術，期間令他身心俱疲，情緒陷入谷底，外貌的變化，令Harris不想見人，亦引致出現不同的傳聞；後來他終於走出陰霾，去年生日與父母，好友一起慶生，還公開見傳媒交代事件的經過。
昨晚Harris的容貌與去年所見，略有不同，原來他在今年三月再次接受第七次手術，他向《明周》透露對手術感到滿意，「個人開心咗好多！之前曾講過唔再做手術，期間醫生不間斷咁搵我，問我係咪真係唔做？佢哋話諗到方法去做，叫我俾多次機會自己啦。後來佢哋愈嚟愈有信心，咁我望下塊鏡，做啦！手術喺三月底做嘅，咁過咗半年先出嚟，我想佢真係好穩陣先，會有小手術跟進，但唔急嘅，都係一啲調整嘅嘢，幫助呼吸嘅！」
更多圖輯：
