MIRROR成員Edan（呂爵安）昨日（15/6）推出202 年第三首單曲《壞人一個》。
談及新歌的誕生，Edan直言這是一段非常特別的緣份：「呢首Demo係我嘅Pocket List裏都有段時間，之前一直未有合適機會推出。直到今次出歌，直覺告訴我『係要出呢首』。我都係揀咗之後，先知原來係Jaime（張天穎）寫的。」《壞人一個》的Demo原本是普通話版本，歌詞好入腦也蘊含「壞人」概念，讓Edan忽發奇想，邀請Jaime親自操刀撰寫廣東歌詞，說：「都有啲抱歉，嗰時想寫廣東版，係想睇變咗廣東話可唔可行，因為好多時demo好聽，但變廣東話就會覺得有啲怪或差了少少。但Jaime好快就交廣東話版本，歌詞極度適合，冇將件事變質。」Edan 最後直接採用，最終只作了極少量的修改，亦十分之喜歡這個作品。
新歌《壞人一個》從一個比較新鮮、少見的角度切入，Edan說：「講兩個深深相愛，但因各種因素、現實，不得不分開，好似有時聽到最深嘅愛係放手，如果你愛一個人，就算唔屬於自己，都希望佢幸福快樂。」所以今次這首歌，正是由這種「放手」的拉扯中演變出「壞人」的定義。如果明知無法給予幸福，卻依然用愛去綁住對方、不肯放手，那才是真正的壞人。Edan 說：「所以選擇做放手嘅『壞人』，藏着係最溫柔嘅愛。」
Edan今次再度執導MV，MV的劇本完全由Edan視角出發，描述一名男主角在分手後，獨自一人過着看似平常的日常生活。然而，他獨自重溫的每一件事，其實原本都是和另一半攜手完成的。Edan 說：「男主角最後選擇『不打擾』，因為佢深知，如果自己繼續去打攪對方生活，其實只係一種自私嘅佔有。MV用呢種寂寞嘅日常劇本，去呈現這份克制嘅愛。」至於未來有沒有想過幫 MIRROR 其他隊友執導 MV？Edan 幽默回應：「咁就要睇有冇人邀請我，不過我嘅酬勞好貴！」
隨著5月中推出，與老死Ryan蔡俊彥合唱的《1206》後，Edan 在短短30日內再度推出《壞人一個》，讓不少樂迷好奇他今年是否將主力專注於音樂發展。Edan 解釋，《1206》的誕生完全是意外驚喜，而今年之所以接連出歌，是因為在上半年「遲到」了，「今年第一首派台歌拖到4月先出，進度實在太慢，所以要努力追Schedule。」Edan又透露《壞人一個》原本預計在5月中推出，但因為《1206》的驚喜出現，最終延期。雖然公司已「開綠燈」支持他籌備更多作品，但下半年工作行程安排緊湊，笑言一切仍要視乎時間分配、能否收到心儀Demo以及錄音進度，但會盡力出歌。
