Yumi鍾柔美推出新歌《無名分狀態》，是上一首歌《不欠你一個朋友》的延續，暫時放下跳唱形象，挑戰慢板情歌。Yumi要兼顧工作與學業，日程緊密，拍攝MV當日適逢母親節，她先跟母親慶祝，再出席活動，凌晨時分才開始拍攝工作，團隊一起捱夜拍到第二朝五點半完成這個作品。Yumi表示：「今次係第一次凌晨先開始拍MV，雖然對精神、體力好大挑戰，不過好開心、好充實！」
Yumi分享這兩首歌關連，她說：「雖然兩首歌主題都是少女追求愛情的態度，但心態上卻有180度的大轉變。上一首比較被動，MV用蝴蝶、日光去營造一種有希望嘅感覺；今次就用飛蛾、夜晚景去拍，而且喺關係上面亦都主動啲。」她續說：「用飛蛾去做一個象徵係想講，面對愛情要積極啲，嘗試踏前多一步追求，唔好諗咁多。」今次新歌MV畫面亦有不少彩蛋，例如珍珠奶茶、乳酸飲品及毛公仔吊飾這些道具呼應上一個MV。
Yumi這次以獨腳戲形式拍攝，被問到會否覺得有難度，她卻笑說：「對我嚟講一個人拍反而仲好，因為如果有男主角，事前要花時間培養感情去做到導演要求的感覺；但係今次係由自己內心世界出發，容易啲去發揮，亦希望可以將之前拍劇學到嘅方法學以致用。」
更多圖輯：
