英皇娛樂主辦的《25+英皇群星演唱會》將於5月在啟德體育園主場館舉行，昨日（15日）舉辦第一炮盲盒活動，聯乘廣東話流行曲remix的本地DJ組合「節拍星期五」（Beat Friday）推出首架電車Disco—「英皇娛樂25+ Moving Cantopop Disco電車派對」，將電車變身舞池，一邊打碟、一邊與沿路的市民及粉絲齊齊狂歡。
曾比特、許靖韻、VIVA成員姜咏鑫、馬思惠、張鈊貽、黎展峯、黃明德等亦有現身。專屬電車從銅鑼灣電車總站一路巡遊至屈地街車廠，全程超過一小時，大批粉絲守候在電車路沿線，等候偶像出現。在登上電車之旅前，一眾歌手先走入鬧市與大家熱熱身，快閃銅鑼灣東角行人專用區，大派演唱會限定應援扇，及與大家合照、簽名。
曾比特表示經常被問演唱會會否加場？「我可以同大家講如果加場，我實會唱足咁多場！」Mike更大爆：「Beat Friday為25+創作咗一首全新經典金曲串燒Remix，我喺電車上面已經率先試聽，聽講好快就會推出市場。」
許靖韻剛放完假回來，「我已經ready好開工嘅心情，但今日電車活動竟然係咁chill，可以寓工作於娛樂！」。而VIVA今日「三缺一」，姜咏鑫、馬思惠、張鈊貽笑說Carina的位置由許靖韻頂上，她們提到上次曾試過在利東街快閃跳舞，所以想邀請許靖韻一起在電車上和她們跳《FOMO》！
從中學時期就開始busking生涯的黃明德表示對街頭表演非常熟悉，「唔止busking，如果大家有睇我哋公司social media頻道『All About Wrongs』，我哋成日都畀枉阿姐叫落區做任務，例如街頭訪問、點歌環節，又整蠱路人咁，簡直係銅鑼灣地膽。」
