方力申將於5月在紅館舉行演唱會，今日（9日）出席發布會，他提到為演唱會推出的新歌《万刀甲》，他表示「万刀甲」是其花名，「個名係入行嗰陣俾人改，係鬧我嘅，將我個名斬頭，意思係我唔會出人頭地！」但他認為這花名成為鞭策他的動力。說到演唱會海報被指抄襲尹光個唱海報，小方特地邀請尹光到場打乒乓波切磋球技，他笑言：「可能睇得太多尹光的海報，所以變成潛意識。」
小方預告在個唱騷肌，但在家中操肌的最大障礙，是見到女兒便心情靚爆，甚麼都不想做兼難以忍口，演唱會期間會帶女兒到場拍照留念，「紅館對我嚟講係第一次，亦都有機會係得呢一次，所以好希望全家人都睇到。」小方讚太太葉萱旺夫之外，婆媳關係亦相當好。
小方擔任大使多年的慈善跑被指涉及邪教，原定月底舉行的慈善跑亦告取消，小方透露收到的通知與大家一樣都是取消，「自己喺呢行25年，做咗好多公益活動，做慈善嘅出發點好簡單為咗回饋社會，其他嘅事我就唔知情。」
更多現場圖輯：
