馬年農曆新年氣氛濃厚，古巨基（古Sir）於年初四及初五（20日及21日），應邀出席新加坡聖淘沙年度新春晚宴擔任表演嘉賓，以多首經典金曲引發全場大合唱，為現場掀起高潮。
古Sir笑言今年特別開心，因為家中剛添新成員，細仔Kuderson早前出世，為這個馬年帶來雙倍喜悅，不過由於細仔仍是初生，所以今次古Sir並未帶同前往新加坡。雖然細仔留港，但大仔Kuson特別跟隨爸爸媽媽同行，成為古Sir的小小助手。
古巨基在台上說：「哈哈，好多人問我係點樣保養？我嘅方法就係每日都同兩個仔玩，保持童真……我最近真係好鍾意換尿片同埋餵奶，每次幫弟弟換片，佢都對住我笑！」他笑言工作加上要兼顧照顧兩個小朋友雖然忙碌，但這種快樂反而是他「凍齡」的秘訣。
難怪網上有現場的觀眾發文說：「握到手還拿到親筆簽名照，真是開心，他的手滑到像豆腐！」似乎古Sir雙手，追得上女星們一樣咁幼滑喎！