黃美棋（美棋BB）與丈夫鍾健威（Ray）早前接受李有毅（Ben）及其兒子李國煒（Benson）主持的新城知訊台節目《Ben同Benson「Chur」到行》錄音訪問，大談入行經歷、留學趣事及夫妻相處之道，甜蜜放閃之餘亦分享不少鮮為人知的往事。
美棋BB童星出身，約9歲時參演行運一條龍，在片中飾演「小芬女」，與周星馳合作而為人熟悉。對於外界常指星爺性格獨特，她卻有另一番見解：「其實喺我印象中，佢係好Nice嘅，因為我哋有合照，佢都係抱住我。」她又提到拍攝TVB古裝劇《帝女花》時飾演「長平公主」童年，因有不少哭戲，被問到小朋友是否難演喊戲時笑言：「小朋友比較容易，叫你喊就喊，我覺得小朋友演戲係比較容易。」
完成學業後，美棋曾短暫投身Marketing工作，但因HKTV準備開台，她自覺難以安坐辦公室，最終在未有事先告知媽媽的情況下簽約復出：「我唔知點同媽媽講，因為佢對我嗰份穩定工作好滿意。我唯有問佢『媽，你有冇留意嗰個台準備開』，然後同佢講我簽咗約。」媽媽當時一臉難以置信：「你講真的？」其後更每晚等她收工，令她一度感到愧疚。
談及赴美國留學的經歷，美棋曾入住寄宿家庭，家中住了十多名來自不同國家的學生，還養有不少寵物，甚至包括蛇。她笑說：「佢會問『我餵蛇食老鼠，你過來睇嗎？』我有睇過一次，睇完一次就唔再睇。」一旁的Ray亦分享自己在英國留學時曾養蜘蛛，以草蚊餵食的趣事。
兩人的緣分源於一次旅遊節目拍攝。當時仍為HKTV藝人的美棋，與在有線電視工作的Ray遠赴拉斯維加斯拍節目。Ray笑言節目需要兩人模擬醉酒簽紙結婚的橋段：「我哋去咗拉斯維加斯，嗰個節目又要我同佢結婚，我哋試咗幾次唔同結婚方式。」美棋補充：「結咗三次婚，喺同一個地方、同一個人。」Ray再笑說：「連埋真嗰次結婚係四次。」當時二人並無特別感覺，直至整個團隊熟絡後，溝通才漸多。真正令美棋心動的，是看到Ray在舞台上的演出：「佢唱歌或表演嘅時候，同做節目嘅時候係兩個唔同嘅人，嗰刻就更加欣賞呢個男仔。」
Ray亦在節目中分享自己的事業起伏，由歌唱比賽冠軍入行，到於有線電視任娛樂新聞主播，合約完結後決定與朋友組樂隊闖蕩。然而遇上社運及疫情，工作全面停擺，收入大跌。幸好獲朋友介紹轉型拍攝宣傳片，兼任幕前、配音、導演及撰稿，逐步建立自己的製作公司，他形容那段時間才是真正的「發力點」。
Screenshot
談到夫妻相處，Ray坦言最感動是美棋無論何時都全力支持他，甚至在他受委屈時挺身而出。美棋則分享一段甜蜜往事，透露自己曾在節目中看到「海豚送戒指」的浪漫橋段，隨口說句「嘩，我要這個」，沒想到Ray竟記在心中，並在能力範圍內為她實現驚喜：「佢真係記得，又會喺能力範圍內做到嘅事，佢一定做俾我。」甜蜜互動羨煞旁人。