許廷鏗自爆曾年少氣盛。
37歲許廷鏗（Alfred）近日受訪網上頻道，談及入行以來的挫折。2009年參加無綫《超級巨聲》入行的他，憶述2017年決心離開無綫，舊東家及何哲圖均曾挽留。後來，他出席《勁歌金曲頒獎典禮》領男歌手獎（最佳演繹男歌手），本來要唱出自己幾年來的大量金曲，但他不想好像標誌「the end of the career」，於是與同事商量及向公司提議更改演唱曲目。他雖為表演投入大量心力，卻因台上煙霧嗆喉而影響演出。他坦言：「唱《青春頌》嘅時候有啲濁親，冇人知。我要頂住佢，唔可以失禮，但當時有啲音準，唔係我做得最好。」
Alfred表示當晚出席完公司的慶功宴後，再參加了好友鄭欣宜的慶功宴。Alfred說︰「我去到，突然間氣氛好奇怪，我同事就出聲話︰『其實你Perform得唔好，你冇盡到你嘅力。』」當刻情緒崩潰的他，將手機「車」落去，幸好在他同事身邊飛走，撞落牆後跌落地。「我諗唔明，嗰吓，唔知點解情緒到。同埋好壓抑，做完一個咁嘅表演，你都知難頂，係唔係去到咁嘅狀態都仲去揶揄呢，你估我唔知可以唱得好啲咩，係唔係仲咁講，會令件事好啲呢？嗰刻，我完全控制唔到。飛完電話，我自己都呆咗，但我同事勁啦，執番起佢啦。」
談到2020年奪得「叱咤樂壇男歌手金獎」後，翌年卻離開了華納唱片，Alfred透露是華納主動提出解約︰「我嗰陣時有啲震驚，都幾突然。」他表示2021年10月才成立自己公司，是因為當中經歷了一段混沌的日子，十分迷惘，不知道如何成立自己的公司，因此也花了一段時間，直至公司同事說一定要出歌，於是10月就出歌兼開公司。被問到是否與華納不夾才分手？Alfred承認當時心態不夠成熟，自覺「我幫公司成績都唔差呀」，撇除這些，算是和平分手。
