無綫台慶劇《新聞女王2》昨晚（10日）香港首播，佘詩曼（阿佘）、黃宗澤、夏文汐、譚俊彥、高海寧、王敏奕、陳曉華等一眾台前幕後，昨日出宣傳造勢，無綫行政主席許濤主持祝酒儀式，預祝創佳績。
佘詩曼與黃宗澤（Bosco）只曾在2006年古裝劇《覆雨翻雲》合作，但未有對手戲，今次終於交鋒，Bosco坦言過足戲癮又開心，感覺好新鮮。他有親自煲靚湯慰勞劇組，卻被佘詩曼投訴飲得一次且無湯料，Bosco因為同步分兩組拍，因相隔太遠見不到對方，他說：「如果唔太遠我都送埋過去，點敢Hea佢，佢一路飲一路投訴話冇料，都未飲完已經鬧，啲花膠響底呀！」
阿佘曾透露拍攝時經常被他毒舌揶揄，Bosco解釋：「我都係收order做嘢！監製鍾澍佳話我喺呢套劇最大功能，就係激幾個女人，邊個夠膽激阿佘吖？估唔到我都好成功。」
阿佘就覺得今次好好玩，經常和Bosco在不影響拍攝情況下「爆肚」改對白，「尤其係寸來寸去嗰part，因冇人比我哋更清楚角色當刻想講啲咩，有花火。」Bosco更謂想再合作：「真係好玩，如果可以多啲鬥嘴戲，重過癮啲，睇《新聞女王3》會唔會有機會？或者會有其他機會。」阿佘亦高呼不夠喉。
