現年52歲的海俊傑，昨晚他突發在開live，寫着「急切換肝」，片中的海俊傑聲淚俱下求大家幫忙籌醫藥費。
慌張的他哭着說︰「Hello 大家好，我係藝人海俊傑，我而家身處喺廣州中山大學醫院，附屬第一醫院，我太太患有急性肝硬化，喺呢兩日裏面，醫生話可以換肝，但係我哋喺瑪麗已經住咗20日，喺十字車直接轉介過嚟廣州中山醫院，錢銀上我哋好好嘅朋友已經籌得70萬，但係我哋而家仲爭70萬，希望大家幫到幾多得幾多，因為每一分每一秒都係時間。而家係11月8日夜晚10點鐘，我係海俊傑，唔係騙子，有很多嘢可以prove俾大家睇，我太太呢兩日可以換肝，但真係差好多錢，差一半錢，我哋籌得70萬，但而家要150萬……因為每個病人都唔同，希望大家可以幫我一分，幫到幾多得幾多，好多謝大家，多謝大家幫忙。」情急的他，卻沒有留下捐款方法。網民紛紛提醒他沒留下任何捐款途徑，想捐都唔知點捐。
他與任職化妝師的太太莫家慈，於2012年在北京工作結緣，2017年結婚，近年參演的TVB劇集，有《逆天奇案》、《巾幗梟雄之懸崖》、《刑偵12》等。
