陳百祥被問到有報道指甘國亮疑患失智症，阿叻表示與甘國亮近年較少聯絡，不大清楚其身體狀況，「佢係第一個捧我嘅人，當年拍《青春熱潮》係佢用我同黃杏秀，可以話係佢介紹我哋認識。」對於早前阿叻公開批評無綫，他解釋只是講事實，所有電視行業都是黃昏行業，正在蝕錢，要轉型求變，他強調並非針對無綫或曾志偉。阿叻表示曾勸籲志偉唔好做，又突然爆料志偉加入無綫任職高層只為炒余詠珊，「因為舊時東方魅力余詠珊係打佢工，入咗去無綫之後，余詠珊唔聽佢講，當時曾志偉無話事權。」他又以老闆與員工比喻:「你夥計唔聽你講，你做返佢老細，咪炒咗佢，就係咁簡單。」另外，提到馮淬帆離世，阿叻曾與他合作《精裝追女仔》及《最佳損友》等電影，他大讚馮淬帆工作認真，「我只會承認得佢一個做戲好過我，冇其他人做得到！」
更多現場圖輯：
