連詩雅今日（4日）出席品牌活動，她表示早前陪老公陳家樂飛到日本參加東京電影節，待老公完成工作後，兩人順道來個小旅行，難得可以過二人世界，「因為小朋友開始有少少扭計階段，帶佢坐飛機會喊，同老公去到日本都有瘋狂shopping，佢好鍾意好多日本牌子，老公都話原來我嘅shopping制一著，可以咁恐怖，所以返嚟都要努力賺錢，其實今次係我哋第二次一齊去旅行，我哋好想有機會一齊去歐洲一次，不過要賺多啲錢先。」
除了旅行shopping散心外，兩公婆更相約參加渣打馬拉松，「身心狀態好重要，除咗做運動之外，嚟緊我哋都參加咗渣馬跑十公里，最近都一齊抽時間練跑，有時佢踢波，我喺場邊練跑，但我都會停下睇吓佢踢波，老婆陪老公踢波，你唔覺好浪費咩？既然我都去咗球場，唔好浪費自己做運動時間，其實上一屆我哋都報名參加，但最後老公竟然病咗，所以今年又再拉佢一齊再報名，不過佢跑得快過我，有時練跑時，好快連佢背影都見唔到，所以參賽當日我都打算一齊起步影張相就滿足，都唔求一齊衝線。」
更多現場圖輯：
