肥媽（Mario Cordero）曾經有兩段婚姻，第一段婚姻她飽受老公家暴兼出軌，以致離婚收場；至第二婚姻與任職工程師的外籍老公結婚，一直非常恩愛，可惜老公於2020年病逝，肥媽至今一直保持單身。
肥媽近日拍片教網民夫妻之道，似乎將第一段姻的失敗責任，怪在自己做得太完美。肥媽在片中說：「我第一段婚姻，我覺得自己做晒㗎啦，真嘅，我係一個好好嘅老婆、好好嘅阿媽、好好嘅姑仔、好好嘅新抱，但佢唔欣賞我原來，佢覺得我做得太多！因為做嘢我又叻過佢，我奪去咗佢做丈夫嘅責任，咁佢唔做嘢啦，冇咗丈夫嘅責任，變咗啲細路哥睇佢唔起，咁佢就冇咗爸爸嘅尊嚴，咁冇咗爸爸嘅尊嚴佢就惡啦，開始發惡呀，掟嘢呀嚟到去攞返尊嚴。」
吸取了教訓後，肥媽表示到第二段婚姻，無論如何都裝自己是小女孩：「其實男人喜歡照顧女人，唔好太強，太強你就當咗佢係仔，你趕走咗個老公，永遠都做弱者！」肥媽表示很多事情懂都說自不懂，因為拗贏了沒得益。她留言謂：「真的有必要爭強好勝嗎？男人與生俱來都有保護慾，我就寧願小鳥依人了。」
